Autoritetet shtetërore kanë bërë të ditur se prej fillimit të sezonit të gjuetisë janë rritur aktivitetet për gjueti pa leje në territorin e parkut kombëtar “Sharri” e njëherësh kanë përkujtuar se gjuetia e llojeve të rralla të faunës, pos që është e ndaluar është edhe e dënueshme me ligj, shkruan sot “Koha Ditore”.

Sipas tyre ndërhyrje në malet e territorit të Komunës së Dragashit, ka nga gjahtarët pa leje nga Shqipëria dhe Maqedonia, me ç’rast më të rrezikuara janë dhitë e egra, ndërkohë që gjatë javës së kaluar ka pasur postime të ujqërve të vrarë në afërsi të fshatit Bresanë.