18 shkaqet që dërguan në vlerësimin e dobët të PISA-s dhe 20 propozime se si mund të rritet cilësia e arsimit në Kosovë!

1. Diplomat blihen me shumicë në treg;
2. Provimet kalohen me skripta;
3. Pyetjet në provime në shumicën e rasteve janë të njejta pothuajse në secilin afat;
4. Shumica e profesorëve universitar pensionohen dhe ende nuk kanë asnjë libër të botuar;
5. Pranimi në universitet me korrupsion e nepotizëm;
6. Studentët mbushin muret dhe tavolinat me përgjigje të testeve;
7. Bibliotekat të zbrazura e kafiteritë të mbushura me studentë;
8. Përzgjedhja e mësuesve, arsimtarëve
   e profesorëve bëhet në bazë të përkatësive partiake;
9. Ekonomisti ligjëron Drejtësinë, filozofi Psikologjinë e biologu Gjeografinë;
10. Një profesor mbanë deri në 5 vende pune njëkohësisht;
11. Mësim e jo edukim;
12. Punë praktike në minimum;
13. Shitblerje të notave;
14. Ngacmime dhe kushtëzime seksuale;
15. Vlerësim i mirësjelljes e jo i dijes( hajt një 5-she se i urtë është);
16. Droga e pasiguri në shkolla;
17. Numër masiv i studentëve në ligjerata;
18. Nxënësit duan nota, jo dije;

P.s Pa tendenca gjeneralizuese.

Çka duhet të bëjmë në ngritjen e cilësisë së arsimit në Kosovë?

1. Depolitizimi i sistemit arsimor, partitë politike të qëndrojnë larg universiteteve;
2. Rivlerësim i gjithë mësimdhënësve në Kosovë, për të matur aftësitë e tyre nëse janë konform lëndës që ligjërojnë;
3. Pranimi i mësimdhënësve të bëhet nga niveli qëndror, në bashkëpunim edhe me këshillin e prindërve dhe atë të nxënësve. Në asnjë mënyrë drejtoritë e arsimit në komunat e Kosovës nuk guxojnë të përzgjedhin mësimdhënësit, pasi që kjo bie ndesh me pavarësinë politike të shkollës;
4. Inspektim strikt i punës së mësimdhënësve gjatë orarit mësimor nga ekspertët e arsimit;
5. Mësimdhënësit të cilësohen si arkitekt të shoqërisë dhe jo militantë të partive politike;
6. Reduktim i numrit të studentëve në fakultete;
7. Më shumë punë praktike në fakultete;
8. Motivim më të madh për nxënësit dhe studentët për punë hulumtuese dhe arritje të rezultateve të larta në mësimnxënie;
9. Përkrahje më e madhe për profesorët universitar për botime dhe hulumtime shkencore;
10. Numër më të madh të bursave studimi në vëndet e zhvilluara të botës;
11. Shkollat të kenë psikolog dhe sociolog, për të pasur një disiplinë me të madhe tek nxënësit dhe reduktim të sjelljeve devijante;
12. Biblioteka në secilën shkollë dhe qytet të Kosovës;
13. Dënime të larta për nxënësit dhe studentët që kopjojnë në teste, fakulteti nuk është vend për të gjithë, për këtë si alternativë janë shkollat profesionale;
14. Më shumë literaturë shkencore, universitare të përkthyer në gjuhën shqipe;
15. Një profesor me një vend pune, duke qëndruar në shkollë e universitet dhe jo në Qeveri apo vend tjetër të punës;
16. Përpilim i duhur i testeve, duke matur saktë njohuritë e nxënësve e studentëve, duke evituar përsëritjen e testeve me pyetje të njëjta në afate të provimeve;
17. Një vlerësim më real dhe më disiplinor i maturës shtetërore;
18. Vlerësimi i studentëve me pyetje të mbyllura në provime të zëvendësohet me forma tjera të matjes së njohurive;
19. Grupe të vogla të studentëve në ligjërata dhe ushtrime në mënyrë që asnjë student mos të kalojë pa shprehur aftësitë e saj/tij;
20. Programe cilësore të orientimit në karrierë dhe pranim të studentëve në fakultet konform kërkesave të tregut, në mënyrë që studentët e diplomuar të punësohen pasi të përfundojnë studimet.