Jepi paqes një mundësi

Prishtinë | 01 Tet 2019 | 14:57 | Nga Shkumbin Gashi

”Give peace a chance” Kjo ishte fjalia që lexohej nga ana veriore e lumit ! Atë nuk mund ta lexonte vajza 4 vjeçare ! As nuk e kuptonte domethënien e asaj fjalie . Pak më poshtë , në po të njëjtën anë të urës shkruante “Fuck Albanians” . Këtë as unë nuk mund ta kuptoja . Njëra parullë thërriste për një paqë ndërsa mu pranë saj shante shqiptarët . Nga të filloja t’ia sqaroja vogëlushes domethëniet e atyre dy fjalive?! Prapa shpinës sime shkrunta “Mitrovica , qyteti i bijve të Isës”! Si t’ia sqarojë këtë tjetrën të cilën e kishim shumë afër ?!

 Nga larg shoh një familje padyshim të bukur ! I ati shihej stil rockeri me dy fëmijët e tij që ishin bashkmoshatarë verior të bijës sime ! E ëma e tyre i fotografonte ata dy ndërsa në prapavijë me siguri që ishim ne – bijtë e Mitrovicës së Isës ! Për mua ai rockeri i përngjante nacionalistëve të cilën shkruan parullën e dytë – atë“Fuck Albanians”, për veriorin unë isha ai i cili kisha shkruar ”Mitrovica , qyteti i bijve të Isës”. Për të parën bëja kinse nuk e kanë shkruar veriorët . Athua çfarë mendontë bija ime kur i shihte moshatarët e saj në anën tjetër të lumit teksa qëndronin të fotografoheshin nga nëna e tyre? Asaj nuk besoj që i ka ndjerë asgjë përpos ndjenjës së urdhërit të njëjtë të cilën vet ajo e merr teksa e ëma e saj e urdhëron të dal në foto ! Ajo sikurse nuk e di se çdo të thotë të jesh bijë e Isës , ajo gjithashtu nuk di të kuptoj se çdo të thotë Fuck Albanians . Ajo nuk e di se çdo të thotë as Give peace a chance – ajo këtë e ndjenë , as nuk e diskuton e as nuk di të diskutoj ! Paqen ajo e ka të lindur , luftën do ta mësoj ! Sikurse këlyshi i ulkonjës që në shpellë i mbrojtur nga e ëma e tij , nuk e njeh të egrën e botës , as ajo nuk e di , veq me siguri sikurse një këlysh ulkonjeje , njashtu edhe bija ime do të filloj të mësoj luftën dhe urretjen , do të mësoj se çdo të thotë të jesh bijë e Isës , dhe çdo të thotë Fuck Albanians . Shpresoj që do ta kuptoj se këto dy parulla të ndara në pole , nuk janë asgjë tejtër pos një idiotësirë e krijuar nga njerëzit e saj dhe atyre dy moshatarëve !

Është katër vjeçare . Akoma nuk ka mësuar historinë . poashtu edhe moshatarët e saj verior . Të paindoktrinuar me dogma nacionaliste , ata këto parulla një ditë do t’i fshijnë . Narrativa e re pati mundësi të filloj shtrirjen në zgjedhjet nacionale në Kosovë . Por , si e pashpresë shihet kjo situatë . Narracioni i skenës politike në Kosovë këtë nuk e sheh as si problem . Narracioni i tyre ështëi njëjti . Pas 20 vitesh ata vazhdojnë të fitojnë zgjedhjet me narrativa nacionaliste , tituj ushtarakësh , plisa , daulle që kumbojnë maleve të Rugovës e çdo lloj simboli që rrit nacionalizmin bosh shqiptar dhe tenton të frikësoj një nacionalitet tjetër ! Veç piskama e bariut është mangu nëpër spotet politike . Është turp ! Edhe më keq janë veriorët . Por pse të bëhemi si veriorët ? Athua duam ta imitojmë? Athua luftuam që të bëhemi të krahasueshëm me doktrinën e tyre?! Ky ishte qëllimi ?!!! Nuk e besoj. Na flasin për kulturën perëndimore duke mos i njohur fundamentin e saj . Është i tmerrshëm mendimi se bija ime dhe fëmijët e rockerit matanë do të zhvillojnë të njëjtat urrejtje patetike për njëri tjetrin pa e njohur kurrë !

 Me këtë shtrirje narrativash nga veriorët dhe jugorët , po shihet se është një dritë në fund të tunelit , por ajo dritë ngjanë të jenë dritat e një treni që vije përball . Shpresoj se patat që notonin ne Ibër të mund të kalojnë lirshëm matanë duke mos bërë dallim se ti je patë jugore dhe meriton parullën Fuck southerns dhe ti je patë veriore dhe meriton të ta kujtojmë se ke të bësh me patat e Isës.

Fjalë Kryesore:

Të ngjashme