Janë shumë domethënëse ato çizme të zeza të qëndisura me precizitet, dhe të kombinuara me pantallonat solemn prej shtofi.
Më shumë po jep mesazhe medicinale
dhe politike me garderobë ministri i shëndetësisë, sesa me fjalë.
I lumtë.
Për shembull, me kaubojka në studio, ka dashur të përçojë mesazhin se po merr moti dimër edhe në TV, e jo veç në natyrë (sepse krejt tregtarët janë pronarë të TV-ve).
Në një ambient të ‘egër’ medial, duhet të mbathësh çizme kaubojski, për t’i nënçmuar.
Prandaj, lajmet shiten si në treg, (bile
lajmet e këqija dhe të punuara nga materiali i paqëndrueshëm, shpërndahen falas),
…sepse gjynah, gazetarët nuk janë pronarë të mediave, por janë tregtarët pronarë të së vërtetës!
Gazetarët janë shitës të lajmeve, tregtarët i prodhojnë lajmet dhe i marrin paret.
Paradite ta bluan kafen (e Brazilit),
se ti je tash zotni nuk e ke më atë mullirin e bakrit nën sqetull që e bluaje kafenë tënde çdo mëngjes, por tash ti e blen të gatshme, aromën ia ndjen princi, ti e pi, se më mirë është të ndjehesh zotni (pa qenë), sesa të ndjesh aromën e kafesë…
…e mbasdite pastaj, i njëjti tragtar prodhon politikë e ta shet shtrenjtë në TV-në e tij.
Shqiptarët dhe gazetaria?!
Pare po, pushtet po, lidhje me politikë po…
Shyqyr që s’kanë imagjinatë dhe dije…se e kishin djegë!
Veç s’e mora vesh kush është kali këtu!
Dhe se a ka qeveria Kurti ndonjë kaubojkë fëmër. Që s’ka, ua gjej unë një.
P.S. Proverb i kaubojve:
Njeriut iu bëj njeri, kalit iu bëj kali.