Po, vendimi i Gjykatës Ndërkombëtare të Drejtësisë (GJND) e konfirmoi të drejtën e Kosovës për shtet, dmth Kosovën e pavarur si çështje të kryer.
Bota konstatoi dhe u bind se ashtu ishte. Aletatët tanë u mobilizuan për ta konfirmuar Kosovën edhe tek ata që s’e pranonin.
Të vetmit që s’u bindën me vendimin e GJND-së ishin pushtetarët e Kosovës të cilët në krye me Thaqin kontrabanduan bisedime tekniko-politike që çuan në rrëzimin e atij vendimi historik.
Ndërkohë, edhe bota nisi të dyshonte në Kosovën shtet dhe në vendimin e GJND-së. Pranimi i Kosovës nga shtete tjera u bllokua e madje disa njohje edhe u tërhoqen. Kosova u rikthye në çështje të hapur derisa Serbia u konsolodua si në rajon ashtu edhe në botë.
Në korrik 1999 Kosova ishte vikima e vetme. Në korrik 2019 Serbia është viktima ose e « shkelura padrejtësisht » e kësaj historie. Ky sukses nuk do kishte qenë kurrë i mundur pa përpjekjet destruktive të Hashim Thaqit. Dialogu pa strategji dhe idetë për dëmshpërblimin e Serbisë e kanë tejkaluar çdo parashikim të diplomacisë serbe. As fashisti më i çmendur në Beograd nuk kishte shpresuar në vitin 2010 që Serbia do dukej legjitime në pretendime të reja ndaj Kosovës në vitin 2019.
Meritat i kemi ne me bandat tona.
Për këto arsye, vendimi i GJND- së sipas meje është pjesërisht invalid dhe do rrëzohej definitivisht nëse nuk dalim nga cikli i zhbërjes.
Dhe për të njejtat arsye, nuk guxojmë ta gënjejmë veten sot dhe të bëjmë sikur asgjë s’ka ndodhë nga vitit 2010.