A po shkon qeveria drejt fundit, Hoti ia kthen Haradinajt

Prishtinë | 24 Tet 2020 | 14:41 | Nga Ekonomia Online

Kryeministri Avdullah Hoti i është kundërpërgjigjur kryetarit të AAK’së, Ramush Haradinaj pasi ky i fundit kritikoi shefin e qeverisë për shkarkimin e task-forcës anti korrupsion.

Dy partnerët qeverisës Hoti e Haradinaj janë përplasur në distancë.

Hoti përmes Facebookut ka shkruar se me vendimin për shuarjen e Task-Forcës është vendim kushtetues dhe ligjor.

Sipas Hotit Drejtësia duhet të bëjë punën sipas ligjit e jo sipas vendimeve të qeverisë.

“Politika nuk duhet të përzihet në drejtësi. Këtë e kemi bërë me vendimet që kemi marr në këta muaj të qeverisjes. Drejtësia duhet ta bëjë punën sipas ligjit, e jo sipas vendimeve të Qeverisë.
Kthimi i ligjshmërisë dhe kushtetutshmërisë në vend duhet të jetë angazhim i të gjithëve”, ka shkruar Hoti.

Ai ka thënë se siguria jurdike garantohet duke respektuar kushtetutën.

“Kjo qeveri është e vendosur për të fuqizuar shtetin ligjor.
Siguria juridike garantohet vetëm duke respektuar Kushtetutën, ligjet dhe institucionet shtetërore”, ka thënë Hoti.

Kryetari i Aleancës të Ardhmërisë së Kosovës, Ramush Haradinaj, tha sot se shuarja e Taskë Forcës kundër korrupsionit shkakton pasiguri juridike.

Haradinaj përmes një postimi në Facebook, tha se çdo vendim pa plan, e i aty për atyshëm mund të kuptohet si ndërhyrje politike ose hakmarrje ndaj proceseve të pavarura.

Të ngjashme