AAK-ja e gatshme të jetë pjesë e dialogut me Serbinë

Deçan | 04 Maj 2021 | 12:54 | Nga Fitore Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Aleanca për Ardhmërinë e Kosovës (AAK), është e gatshme që të jetë pjesë e dialogut me Serbinë. Këtë e ka konfirmuar në një intervistë për Ekonomia Online, anëtari i kryesisë së kësaj partie, njëherit edhe kryetari i Deçanit, Bashkim Ramosaj.

Ai tha se në diskutimin që ka pasur me kreun e partisë, ish-kryeministrin Ramush Haradinaj dhe Kryesinë,  është gatshëm të kontribuoj për tema që janë të rëndësishme për vendin.

Sipas Ramosajt, nëse një gjë e tillë i kërkohet kryetarit Haradinaj, AAK-ja do të jetë pjesë e dialogut.

“Në bisedat qe kemi pasur me zotëri Haradinaj dhe me Kryesinë e AAK-së është tepër e veçantë sepse lideri jonë gjithmonë e ka gatishmërinë për tema që janë të rëndësishme për shtetin edhe politike”.

“Në rast se i kërkohet Aleancës të jetë pjesë e dialogut si lider besoj se do të jemi pjesë e dialogut”.

Mes tjerash, ai foli edhe për dokumentin “non-paper”, ku sipas tij, Qeveria duhet të ketë kujdes, ngase nuk është koha për gabime, raporton EO.

“Sa i përket ‘non-paper’ duhet të ketë kujdes sepse i përcakton kriteret ka garantues ka marrëveshje dhe nuk mund të dalë prej kornizave dhe në këto raste duhet të ketë kujdes sepse kemi pasur të kaluar të keqe me këto dokumente dhe tash nuk është koha për gabime”.

Sipas tij, kur vaksinat kundër Covid-19, shpërndarja pritet të bëhet edhe në komunën e Deçanit.

“Kur vijnë vaksinat vijnë në nivel të shtetit dhe shpërndarja duhet të jetë i zakonshëm”, tha ai.

Lexo më shumë:

Të ngjashme