AAK-ja garon me Nehat Pecin në Mitrovicë

Prishtinë | 06 Gus 2021 | 17:09 | Nga Ekonomia Online

AAK-ja do të garojë me Nehat Pecin në Mitrovicë në zgjedhjet lokale të 17 tetorit.

Këtë e ka bërë të ditur kryetari i kësaj partie, Ramush Haradinaj, i cili ka dhënë edhe një biografi të shkurtër të kandidatit të tyre për kryetar të Mitrovicës.

“Nehat Peci do t’i prijë Aleancës në garën për Mitrovicën. Ai është jurist i njohur, me përvojë jetësore në jurisprudencë, e gjithashtu ka mbaruar Master në Marrëdhënie Ndërkombëtare. Nehati është rritur me AAK-në. Ai paraqet vullnetin dhe qasjen e sinqertë të Aleancës për Mitrovicën, gjatë tërë historisë së saj politike”.

“Mitrovica jonë e zemrës, tani ka rastin të përcaktohet për një qeverisje që ka prioritet vetëm qytetarët dhe mirëqenien e tyre. Suksese e fitore!”, ka shkruar Haradinaj në Facebook.

Deri tani nga kandidaturat që janë zyrtarizuar dihet se Nehat Peci nga AAK-ja do të jetë në garë për të parin e Mitrovicës me Bedri Hamzën e PDK-së dhe Armend Agollin e LDK-së.

Të ngjashme