Abazi: Në listën e zezë të SHBA-së nuk janë njerëzit e VV-së, por anëtarët e PDK-së

Prishtinë | 12 Pri 2022 | 14:35 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Deputeti i Lëvizjes Vetëvendosje, Haki Abazi ka thënë se diskutimi për politiken e jashtme është i domosdoshëm dhe kërkon unifikim të qëndrimeve.

Ai ka thënë se debati po tenton të denigrohet në përfitime të vogla politike.

Sipas tij, po krijohet koncepti që jemi në fushatë elektorale.

“E vërteta është që lufta në Ukrainë ka ri dimensionuar çështjen e politikës së jashtme. Serbia e Rusia janë zhveshur nga maskat, ky është moment i rëndësishëm. por jo për poenë politikë, por për ndërtim të pozicionit. Këtë situatë e ka sjellë edhe emërimi në shërbimin e jashtëm për interesa partiake. Sigurisht që për një vit është e vështirë të riformohet tërë sistemi. Ky proces sigurisht qe ka shënuar dinamizëm. Jemi kthyer prej ndarjes, në një pozicion shumë më kredibil për vendin. Referendumi dhe mosmbajtja e zgjedhjeve serbe janë dy veprime të jashtëzakonshme të kthimit të seriozitetit të pozicionit të Kosovës”, ka thënë ai.

Abazi ka thënë se raportin e Kosovës me SHBA-në dhe BE-në, opozita po dëshiron ta shoh sikur është i keq.

Ai ka thënë se nuk e di ku është logjika që Kosova të ketë marrëdhënie të këqija me BE-në e SHBA-në.

“Në fund, në listën e zezë të SHBA-së nuk janë anëtarë të Lëvizjes Vetëvendosje, janë njerëz që krimin e korrupsionin e kanë pas instrument të politikës së jashtme, njerëz që kanë dashur ta ndajnë Kosovën, anëtarë të PDK-së. Kur të dilni në këtë foltore mos jepni informacion që nivele të ndryshme nëpër ministri ju japin juve sepse po vazhdoni me tregu që ende po vazhdoni ta mbani të kapur të shtetin”, ka thënë ai.

Lexo më shumë:

Të ngjashme