AKR-në e Pacollit e ka braktisur edhe një prej njerëzve kryesorë të saj, Afrim Hoti, i cili sot ka aderuar në Partinë Demokratike të Kosovës.

Hoti i është bashkuar “Fillimit të Ri”, platformë kjo që kryetari i PDK-së, Kadri Veseli, e quan si zgjidhjen më të duhur për Kosovën.

Përmes një postimi në llogarinë e tij në Facebook, Veseli i ka uruar mirëseardhje Hotit.

“Eksperti i së drejtës ndërkombëtare, Prof. Dr. Afrim Hoti, është anëtari më i ri i Partisë Demokratike të Kosovës. I urojmë mirëseardhje në ekipin fitues “Fillimi i Ri”, platformës së duhur për fuqizimin e Kosovës. #FillimiRi”, ka shkruar Veseli.