Ahmeti: Qëndrimet e mia do t’i shpreh brenda Vetëvendosjes, jashtë…

Prishtinë | 20 Dhj 2017 | 11:56 | Nga Besjana Bajrami Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryetari i Prishtinës, Shpend Ahmeti, menjëherë pas betimit për mandatin e dytë, një prononcim për Ekonomia Online tha se tha se problemet brenda partisë së tij mund të zgjidhen dhe se ato nuk e ndalojnë që ai t’i shprehë mendimet brenda Lëvizjes Vetëvendosje.

“Besoj se Lëvizja Vetëvendosje anëtar i cilës jam, ka mjaftueshëm edhe demokraci edhe dokumente që këto çështje t’i zgjidhë brenda organeve të saj. Unë mendimet e mia i kam shprehur dhe do t’i shpreh brenda organeve të Lëvizjes Vetëvendosje; ndërsa jashtë saj do t’i shpreh qëndrimet e lëvizjes tonë”, tha Ahmeti, për Ekonomia Online.

Ndërkaq, ai vlerësoi koalicionet të cilat janë bërë brenda komunës së Prishtinës kanë marrë votat e Këshillit të Përgjithshëm të partisë, mirëpo pranoi që ka pasur 4 vota kundër vendimit që drejtoria e Inspeksionit t’i jepet Aleancës për Ardhmërinë e Kosovës.

“Të dy koalicionet edhe me AAK-në edhe me AKR-në janë votuar gati se me vendim unanim, më duket se kanë qenë prej 180 anëtarëve a 200 sa i ka këshilli, kanë qenë diku 3 ose 4 kundër. Natyrisht që ndonjëherë do të ketë zëra kundër që nuk pajtohen, por kur i ki mbi 170 vota për, ky është aprovim i plotë”, u shpreh Ahmeti.

Ai gjithashtu numëroi edhe punët me të cilat do ta vazhdojë punën si kryetar i Prishtinës.

“I kemi 100 zotimet, fillojmë prej janarit me pagesat e mbeturinave në komunë dhe riorganizimin krejt të logjistikës së pastrimit që besoj që deri në fund të vitit 2018 do ta kemi qytetin e pastruar. Pastaj zbatimin e buxhetit ku e kemi tregun e ri, vazhdimi i kolektorëve dhe shumë punë të tjera”, shtoi ai.

Të ngjashme