Aleanca për Kosovën e Re ka bërë të ditur se do të ketë ndryshime të ministrave të kabinetit Haradinaj nga radhët e kësaj partie.

Rrahim Pacolli, sekretar në AKR tha për Telegrafin se AKR ka marrë vendim për ndërrimin e disa ministrave dhe ndryshimet do të merren aty ku është e nevojshme.

“Do të ketë ndryshime nëpër disa ministri të AKR-së. Do të ketë ndryshime në interes të qytetarëve, në ministritë ku nuk është punuar sa duhet”, tha Pacolli.

Ndryshe, ditë më parë dorëheqje kishte ofruar edhe ministri i PDK-së, Abelard Tahiri, por ishte  dorëheqja ishte refuzuar nga kryetari i kësaj partie, Kadri Veseli.