Albin Kurti shkoi sepse deshi të vendosë totalitarizëm

Prishtinë | 26 Mar 2020 | 00:17 | Nga Ekonomia Online

Kreu i Partisë Socialdemokrate, Dardan Molliqaj, ka reaguar menjëherë pas votimit pro rrëzimit të qeverisë në Kuvendin e Kosovës. Ai tha, në një shkrim në Facebook, se Kuvendi morri vendim të drejtë në rrëzimin e qeverisë, siç e ka cilësuar ai, të shkurtër e të rrezikshme të Albin Kurtit.

Molliqaj tha se “Kurti iku për shkak se deshi totalitatizëm”, duke e konsideruar qeverinë e tij pa program për ekonomi, pa plan për dialog e rrezikuese të marrëdhënieve me SHBA-të.

Postimi i tij:

Sot Kuvendi mori vendim të drejtë. I dha fund qeverisjes së shkurtër por të rrezikshme të Albin Kurtit.

I dha fund qeverisë që s’kishte program progresiv për ekonomi e për barazi;

I dha fund qeverisë që nuk kishte plan për dialogun dhe rrezikoi seriozisht marrëdhëniet me SHBA;I dha fund qeverisë që mbi të gjitha e kishte pushtetin absolut të liderit dhe që e shfrytëzoi pandeminë për konsolidim të këtij pushteti. Edhe duke e shkelur kushtetutën.

I dha fund qeverisë që rrezikonte demokracinë e vendit duke linçuar e akuzuar këdo që mendonte ndryshe prej tyre;Kjo qeveri qe dha shpresën e rrejshme për ndryshim, braktisi ndryshimin për pushtetin e liderit. Braktisi qytetarët në një kohë të vështirë, sepse protagonizmi kishte më shumë rëndësi.Albin Kurti shkoi sepse deshti totalitarizëm.

Të ngjashme