Albulena Haxhiu iu bën jehonë vendimeve te Kurtit për uljen e pagave

Prishtinë | 12 Shk 2020 | 11:34 | Nga Ekonomia Online

Ministrja e Drejtësisë, Albulena Haxhiu ka thënë se vendimet e qeverisë Kurti për uljen e pagave janë të drejta.

Haxhiu përmes Facebook-ut ka shkruar se vendimi i sotëm për uljen e pagave për kabinetin qeveritar nuk do të ketë efekt juridik tek pagat e gjyqtarëve dhe prokurorëve.

“Dy vendime të padrejta u shfuqizuan në mbledhjen e Qeverisë.Së pari, vendimi i kundërligjshëm i ish Qeverisë për ngritjen e pagave për vete. Ky vendim nuk do të ketë efekt juridik për pagat e prokurorëve dhe gjyqtarëve si dhe gjyqtarët e Gjykatës Kushtetuese”, ka shkruar Haxhiu.

Tutje, Haxhiu ka shkruar se vendimet tregojnë se Qeveria Kurti do të jetë në shërbim të qytetarëve.

“Vendimi i dytë që u shfuqizua, ishte ai për pagat që përfitonin kabinetet e ish Qeverive, pas mandatit.Këto vendime, janë mesazh i qartë se Qeveria Kurti do të jetë në shërbim të qytetarëve dhe jo në shërbim të vetvetes”, ka shkruar Ministrja e Drejtësisë.

Sot në mbledhjen e dytë të qeverisë, Kryeministri Albin Kurti ka marrë vendim që të shfuqizoj vendimin e qeverisë Haradinaj të dhjetorit 2017 për ngritjen e pagave për ish-kabinetin e tij.

Të ngjashme