Deputeti i Lëvizjes Vetëvendosje, Liburn Aliu në një konferencë për media ka thënë se pika 7 e marrëveshjes në Washington, që ka të bëjë me Ujmanin është më e ndjeshmja
Aliu ka thënë se kryeministri Hoti e ka bërë hisedarë Serbinë në liqenin e Ujmanit. Sipas tij, kjo marrëveshje është në kundërshtim me disa nene të Kushtetutës së Kosovës, raporton Ekonomia Online.
“Liqeni i Ujmanit do të ndahet, pra do të thotë se Serbia do të jetë hisedarë në këtë liqen. Kjo i mundësoi Serbisë që të negociojë për resurset shtetërore të Kosovës. Kjo pikë shkel rëndë Kushtetutën. Serbia po e siguron veriun përmes thellimit të ndarjes” ka thënë ai.
Sipas Aliut është për tu diskutuar edhe mënyrën praktike e ndarjes së tij. Por, ai ka thënë se kjo është përgaditje për ndarje territoriale të Kosovës.
Deputeti i Vetëvendosjes ka thënë se Serbia është e inkurajuar përballë Qeverisë Hoti, që të kërkojë sa më shumë hise në pjesë të Kosovës. Sipas tij, Qeveria duhet të bie sa më shpejtë.