Ambasadorët Shqiptarë: Kosova ka nevojë për një opozitë të fortë dhe konstruktive

Prishtinë | 15 Shk 2021 | 19:52 | Nga Ekonomia Online

Këshilli i Ambasadorëve të Shqipërisë ka uruar popullin e Kosovës për procesin e qetë dhe demokratik të zgjedhjeve të 14-shkurtit. Ai ka thënë se pas rezultatit të zgjedhjeve, vendi ka nevojë për një opozitë të fortë dhe konstruktive, derisa shton se fituesja e zgjedhjeve, Lëvizja Vetëvendosje dhe partnerët e saj, do jenë bartëse dhe frymëzuese të interesave të votuesve.

Përmes një komunikate, Këshilli shkruan se zgjedhjet kanë dëshmuar se proceset demokratike në Kosovë po përparojnë dhe populli kosovar votoi në mënyrë të qetë.

“Lëvizja për Vetëvendosje (LVV) si fituese e këtyre zgjedhjeve po përballet me sfidën për të ndërtuar një konsensus të ri në Kosovë, si një shtet funksional i mbështetur në proceset demokratike. Këshilli i Ambasadorëve Shqiptarë shpreh besimin se të gjitha palët që do të shkojnë në opozitë, do të bëjnë një analizë të shëndetshme të rezultatit dhe do të mësojnë nga mësimet e nevojshme udhëzuese”, thuhet tutje.

Këshilli i Ambasadorëve tutje shkruan se qeveria e re duhet të investojë në rrugën euroatlantike, të një shteti të zhvilluar, ku drejtësia sociale dhe sundimi i ligjit do jenë parësore.

Fjalë Kryesore:

Të ngjashme