Arban Abrashi flet për koalicionin me AAK-në në Prishtinë

Prishtinë | 03 Nën 2017 | 09:46 | Nga

Kandidati i LDK-së për kryetar të Prishtinës, Arban Abrashi ka komentuar koalicionet e mundshëm për balotazhin në Prishtinë.

Ai në Urban FM ka konfirmuar se ka pasur takime me Arbër Vllahiun e AAK-së me të cilin janë pajtuar në disa pika.

“Me Arbërin jam takuar dhe jemi pajtuar në disa pika, ka ide dhe kemi mbetur të bisedojmë ende. Marrëveshje zyrtare ende nuk ka”, tha Abrashi.

Kandidati i LDK-së për kryetar të Prishtinës tutje ka thënë se do të zhvillojë takime edhe me partitë e tjera.

Ndryshe, lajmi.net dje ka raportuar se një marrëveshje mes LDK-së dhe AAK-së për balotazhin e Prishtinës veç është arritur.

Abrashi në balotazhin e 19 nëntorit do ta ketë përballë Shpend Ahmetin e VV-së.

Në raundin e parë dallimi ndërmjet dy kandidatëve ka qenë rreth 7 mijë vota.

Fjalë Kryesore:

Të ngjashme