Kandidati për kryetar të Prishtinës nga radhët e AAK-së, Daut Haradinaj ka prezantuar kandidaten e radhës për asamble në Kryeqytet, Adelina Fazliji.

Këtë e ka bërë të ditur vet Haradinaj përmes një postimi në llogarinë e tij në Facebook.

“Rrugëtimit tonë për Prishtinën po i bashkohet edhe Adelina Fazliji, aktiviste e devotshme dhe njëherit asambliste në Kuvendin Komunal. Adelina, rrjedh nga një familje e njohur nga Hajvalia”, ka njoftuar Haradinaj.

Ai ka thënë se përvoja e Adelina Fazlijit në qeverisjen komunale, është vlerë e shtuar në listën e AAK-së për Prishtinën.

“Adelina na bashkohet në këtë garë me bindje të plotë për fitore, dhe me besim se bashkërisht Prishtinës do ja ofrojmë projektet dhe sukseset që do të mbahen mend gjatë! Përvoja e Adelinës në qeverisjen komunale, i jep vlerë të shtuar listës sonë për Prishtinën”, është shprehur Haradinaj.

Kujtojmë se Adelina Fazliji ishte Asambliste në Komunën e Prishtinës nga radhët e Aleanca Kosova e Re, ndërsa sot ajo ka aderuar në AAK dhe do të jetë kandidate në listën e kësaj partie.