Përfaqësuesja e lartë e BE-së Mogherini, Komisionerja për tregti Malmstrom dhe Komisioneri Hahn në një letër të përbashkët drejtuar Kryeministrit të Kosovës Ramush Haradinajt, ofrojnë opsion për zgjidhjen e problemit të tarifave ndaj Serbisë.

Ofrojnë mes tjerash që emërimi “UNMIK” në CEFTA të zëvendësohet me “Kosova*”. Por kërkojnë që, si shenjë e vullnetit të mirë, para të hënës 17 dhjetor, kur në Bruksel zhvillohet takimi i Këshillit të MSA-së, Kosova përkohësisht të suspendojë zbatimin e vendimit për tarifën ndaj mallrave nga Serbia dhe Bosnja e Hercegovina.

Tre këta pjesëtarë të Komisionit Evropian letrën Kryeministrit të Kosovës e kanë shkruar edhe duke adresuar disa shqetësime që Haradinaj ua ka shprehur në letrën që ai e kishte dërguar më parë kur kishte sqaruar arsyet pse Kosova kishte vendosur këto masa.

“Ne kemi marrë në dijeni po ashtu edhe listën e rasteve të praktikës tregtare nga ana e Serbisë dhe Bosnje e Hercegovinës që, sipas këndvështrimit të Kosovës, paraqesin barriera në zbatimin korrekt të aranzhimeve të CEFTA-s dhe krijojnë problem domethënëse në terren për veprimet ekonomike dhe për qytetarët”, thuhet në letër.

Duke rikujtuar se si përvoja e Bashkimit Evropian përmes krijimit të tregut unik mes 28 shteteve anëtare dëshmon se si heqja e tarifave dhe barrierave jo-tarifore rezulton në rritjen e konkurrencës dhe ofertës për konsumatorët, nënshkruesit e letrës shprehen se vendimi I qeverisë së Kosovës për të rritur tarifat ka qenë hap në drejtim të gabuar, që shkon në kundërshtim me progresin arritur në integrimin ekonomikë rajonal, raporton KOHA.

“Vendosja e tarifave të reja në një afat të mesëm do të dëmtojnë interesat ekonomike të Kosovës dhe njerëzve të saj, duke zvogëluar shkëmbimin tregtarë dhe dëmtuar atraktivitetin e Kosovës si vend për investime dhe biznes. Në ditë të kësaj ne duam të ritheksojmë se qëndrimi unik I BE-së është se ky vendim duhet të tërhiqet në rastin më të hershëm të mundshëm”, thuhet në këtë letër.

“Në të njëjtën kohë Komisioni Evropian i merr shumë seriozisht shqetësimet e ndryshme që ju i keni ngritur në letrën tuaj. Në frymën e zonës së lirë tregtare, të gjithë aktorët duhet të respektojnë rregullat të cilat i kanë miratuar bashkarisht. Në mënyrë që të adresohen këto shqetësime, siç ju ka propozuar Komisioneri Hahn gjatë vizitës së tij me 3 dhjetorë, Komisioni Evropian është i gatshëm që të vendos një format të veçantë për ju dhe Serbinë për të gjetur ugjentisht zgjidhje konkrete dhe praktike për çështjet e ndryshme tregtare që ju keni përmendur”, thuhet në letrën e këtyre tre anëtarëve të Komisionit Evropian drejtuar Haradinajt.

Në vazhdim të letrës thuhet se “Kjo do të mund po ashtu të përfshi edhe çështjen e gjatë të zëvendësimit të UNMIK-ut me Kosovo* dhe çështjen më të gjërë të modernizimit dhe rivitalizimit të CEFTA-s” ofrojnë nënshkruesit e kësaj letre. PO rata, si shenjë të vullnetit të mirë, që qeveria e Kosovës para takimit të Këshillit MSA, pra para të hënës me 17 dhjetorë, të suspendojnë përkohësisht zbatimin e vendimit për tarifat, përderisa të zgjasin përpjekjet për zgjidhjen e përhershme të problemit.

Nesër në Bruksel zhvillohet takimi mes Kosovës dhe BE-së në kuadër të Këshillit të stabilizim asocimit. Një ditë më vonë I njëjti takim zhvillohet edhe me Serbinë. Të mërkurën në Bruksel Federika Moigherini mbledh liderët e vendeve të rajonit të Ballkanit perëndimor.