BE: Zgjedhjet ishin të lira dhe demokratike, në veri Lista Serbe ka pamundësuar garë fer

Prishtinë | 08 Tet 2019 | 10:41 | Nga Hasan Hoti Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryesuesja e Misionit të BE-së në zgjedhjet e parakohshme, Viola von Cramon-Taubadel ka mbajtur konferencë për medie për zgjedhjet e parakohshme parlamentare, raporton Ekonomia Online.

Ajo ka veçuar procesin zgjedhor në veri, ku atje Lista Serbe ka pamundësuar garën fer për partitë e tjera.

Mirëpo ajo e ka vlerësuar pozitivisht procesin e votimit dhe numërimit të zgjedhjeve të parakohshme, por edhe përqindjen e daljes në votim.

“Këto zgjedhje ishin të administruara mirë dhe transparente. Fushata ishte e gjallë dhe konkurruese duke i lejuar garuesve që të bëjnë fushatë lirshëm në Kosovë”.

“Ambienti i fushatës në veri u cenua nga frikësimi, duke vënë në shënjestër kandidatët dhe përkrahësit që nuk ishin rreshtuar me Listën Serbe”.

“Atje partitë tjera nuk mundeshin të zhvillonin fushatë për shkak të Listës Serbe. Partitë tjera që nuk ishin bashkë me Listën Serbe konsideroheshin armik dhe parti anti-serbe”, ka thënë ajo.

“Përveç kësaj keqpërdorimi i resurseve publike dhe mungesa e transparencës rreth financimit të fushatës rezultuan në një fushë lojë të pabarabartë në gjithë Kosovën”.

Andrey Kovatchev shef i delegacionit në Parlamentin Evropian tha se zgjedhjet kanë qenë mirë të menaxhuara.

“Ne delegacioni kemi kënaqësinë që jemi në Kosovë. Gara zgjedhore paraqet një hap të rëndësishëm dhe është drejtë formimit të Qeverisë. Këto zgjedhje kanë qenë mirë të menaxhuara”.

“Procesi i zgjedhjeve të serbëve në veri nuk i plotësoi standardet tona. Përveç kësaj ka pasur pretendime se partitë në pushtet kanë ndarë mjete të shumta”.

“BE-ja ka vëzhguar edhe ditën e zgjedhjeve dhe patëm kënaqësinë se dita e zgjedhjeve shkoi siç është më së miri”.

“Ne kemi vërejtur numrin e vogël të grave ne vendvotime dhe në disa tjera nuk kishte fare përfaqësues të grave ne vendvotime. E gjithë kjo ndodhi ne vendet rurale”, ka thënë ai.

Në ditën e zgjedhjeve, BE-ja dërgoi 108 vëzhgues nga 27 shtete anëtare të BE, si dhe nga Norvegjia dhe Zvicra në mbarë Kosovën.

https://www.facebook.com/ekonomiaon/videos/558718368213658/

Të ngjashme