Shefi i Grupit Parlamentar të LDK-së, Ismet Beqiri tha se edhe pas 18 vjetësh nga përfundimi i luftës dhe nëntë vjet nga shpallja e pavarësisë, veriu i vendit po bëhet temë diskutimi.
“Kemi kërkuar në vazhdimësi që të shtrihet sovraniteti në veri të vendit, ka lëvizje pozitive por mund të bëhet më shumë”.
Ai tha se Policia e Kosovës do të veprojë njëjtë në të gjithë vendin duke përfshirë edhe veriun.
“Ne e kemi si brengosje që përkundër nënshkrimit të marrëveshje mes të dyja vendeve, Serbia po tenton që mos t’i zbatojë disa nga këto të fundit”, tha Beqiri në seancën parlamentare.