Brian Yee kërkon gjithëpërfshirje në procesin e themelimit të Ushtrisë

Prishtinë | 29 Mar 2017 | 16:41 | Nga

Presidenti i vendit Hashim Thaçi, ka takuar Zëvendësndihmës-Sekretarin Amerikan të Shtetit, Hoyt Brian Yee, me të cilin bisedoi për thellimin e bashkëpunimit bilateral.

Thaçi përmes një postimi në facebook ka thënë se janë pajtuar për të realizuar prioritetet për Kosovën, duke përfshirë edhe krijimin e ushtrisë. Për këtë të fundit thotë se do të krijohet nëpërmjet një procesi transparent dhe gjithëpërfshirës.

Postimi i plotë i Thaçit në fcb:

Në një periudhë sfiduese për rajonin, roli i SHBA-së si gjithmonë është vendimtar për ruajtjen e stabilitetit dhe paqes në Ballkanin Perëndimor. Në një drekë pune me Zëvendësndihmës-Sekretarin Amerikan të Shtetit, Hoyt Brian Yee, biseduam për thellimin e bashkëpunimit bilateral.

Ne u pajtuam për veprimet konkrete drejt realizimit të prioriteteve kryesore për Kosovën, që ndërlidhen me luftën kundër krimit të organizuar dhe korrupsionit, ratifikimin e marrëveshjes për shënimin e vijës kufitare me Malin e Zi, fillimin e punës për hartimin e statutit të Asociacionit të komunave me shumicë serbe, si dhe për procesin e transformimit të FSK-së në ushtri të Kosovës, nëpërmjet një procesi transparent dhe gjithëpërfshirës.

SHBA-ja është dhe gjithmonë do të mbetet partneri kryesor strategjik në rrugën tonë euroatlantike. HTH.

Fotografia e Hashim Thaçi

Fjalë Kryesore:

Të ngjashme