Busek: Austria do të vazhdojë mbështetjen e Kosovës

Prishtinë | 16 Shk 2018 | 15:44 | Nga

Një delegacion i lartë austriak, i kryesuar nga Erhard Busek, ish zëvendës kancelar i Austrisë, Lukas Mandl, deputet i Parlamentit Evropian dhe deputetja Carmen Jeitler-Cincelli, është pritur sot nga Kryeministri i Republikës së Kosovës, Ramush Haradinaj.

Në një bashkëbisedim miqësor, Kryeministri Haradinaj ka falënderuar Austrinë për partneritetin dhe miqësinë e treguar me Kosovën, veçmas në fushën ekonomike, duke treguar përkushtimin e Qeverisë për të çuar përpara proceset më të rëndësishme, të zhvillimit ekonomik dhe integrimit euroatlantik.

Për Erhard Busek, Kosova ka shënuar shumë storie të suksesit dhe sot në festën e 10 vjetorit të saj është në një pozicion pozitiv. “Austria do të vazhdojë mbështetjen e Kosovës”, tha Busek, duke e vlerësuar si tejet të rëndësishëm pozicionin e saj në Ballkan.

Nga ana tjetër, Kryeministri Haradinaj ka falënderuar delegacionin austriak, që bashkë me miq të tjerë, janë sot pjesë e festës së Pavarësisë së Kosovës.

 

Fjalë Kryesore:

Të ngjashme