Çfarë kërkoi Ivanka Trump, vajza e presidentit amerikan, në takimin Hoti-Vuçiq?

Prishtinë | 04 Sht 2020 | 07:08 | Nga Ekonomia Online

Në raundin e dytë të bisedimeve ndërmjet Kosovës e Serbisë në Shtëpinë e Bardhë ishte e pranishme edhe vajza e presidentit amerikan, Ivanka Trump.

Pjesëmarrja e saj këtu shihet si zhvillim i veçantë, pasi ajo besohet se u bashkohet vetëm takimeve të rëndësishme diplomatike për të cilat ka interes të theksuar babai i saj, Donald Trump.

Praninë e saj në këtë takim e vlerësoi edhe Presidenti i Serbisë Aleksandar Vuçiq, transmeton Klan Kosova.

“Ivanka është e rëndësishme. Ajo foli për tema të rëndësishme, për zhvillimin e ndërmarrësisë në Ballkan e posaçërisht për mbështetjen e grave në Beograd e Prishtinë”, tha ai.

Vuçiq deklaroi se në këtë takim ku ishte Ivanka Trump u fol shumë për Lindjen e afërt dhe se amerikanët shpenzuan shumë kohë duke folur për këtë rajon dhe posaçërisht për marrëveshjen që arritën Izraeli dhe Emiratet e Bashkuara Arabe.

“Ata deshën të na përfshijnë edhe neve në këtë temë”, tha ai.

Fjalë Kryesore:

Të ngjashme