Nënkryetarja e Partisë Demokratike të Kosovës, Vlora Çitaku, është shprehur përsëri se veprimi i qeverisë më 31 korrik për vendosjen e reciprocitetit me Serbinë, sipas saj, ka qenë i pakoordinuar me aleatët e vendit.

Ajo, veprimet e së dielës i quajti të paplanifikuara, të papërgjegjshme dhe siç tha ajo, aleatët e Kosovës me kohë e kanë kërkuar shtyrjen e përkohshme të implementimit të masës së reciprocitetit për karta identiteti e targa të veturave.

“Shefja e grupit parlamentar të VV-së e din shumë mirë si duket një veprim i koordinuar me partnerët. Kur koordinohesh dhe planifikon nuk zmbrapsesh nga huliganët dhe grupet kriminale. Kur koordinohesh shkon deri në fund e nuk ndalesh”.

“Pse a ka mendu Kryeministri që kanë me e pritë me lule grupet kriminale në veri a? Ajo që pamë të dielën ishte një shfaqje kaotike, që prodhoi huti, ankth e pasiguri”, ka shkruar Çitaku.

Tutje, ajo tha se PDK-ja nuk është opozitë rrënuese, për dallim sipas saj, nga VV-ja e cila siç tha ajo, nuk e ka votuar as MSA-në me BE-në.

“Shyqyr që erdhi Ambasadori Amerikan 5 në 12 e ju nxori me fytyrë juve edhe vendin. Shyqyr që e keni dëgju edhe ju. Hajt tash se nuk jeni tu e ba namin. Kryne naj punë”, ka shkruar Çitaku.

POSTIMI I PLOTË:

Vendimi për reciprocitet në targa të atutomojeteve dhe në karta të identitetit është pjesë e marrëveshjes së Brukselit.

Ndërkohë, e ripërsëris, veprimi i se dieles ka qene i pakoordinuar, i paplanifikuar, i papergjegjëshëm. Aleatët tanë me kohë kanë kërkuar shtyrje të përkohshme të implementimit.

Shefja e grupit parlamentar të VV-së e din shumë mirë si duket një veprim i koordinuar me partnerët. Kur kordinohesh dhe planifikon nuk zmbrapesesh nga huliganët dhe grupet kriminale. Kur koordinohesh shkon deri në fund e nuk ndalesh.

Pse a ka mendu Kryeministri që kanë me e pritë me lule grupet kriminale në veri a?

Ajo që pamë të dielen ishte një shfaqje kaotike, që prodhoi huti, ankth e pasiguri.

Shyqyr që erdhi Ambasadori Amerikan 5 në 12 e ju nxori me ftyrë juve edhe vendin. Shyqyr që e keni dëgju edhe ju.

Ne nuk jemi opozitë rrënuese. Për dallim nga VV e cila nuk e ka votuar as MSA-në me BE, ne nuk jemi të tillë. Shefja e deputetëve të VV e din këtë. Se atë botë ka qenë me ne në qeveri.

Hajt tash se nuk jeni tu e ba namin. Kryne naj punë.