Qeveria e Kosovës me 10 gusht të këtij viti ka marrë vendim për riavokimin e më shumë se 1 milion 80 mijë eurove për disa projekte nëpër komuna të Kosovës.

Pjesë e këtyre investimeve gjenden që të katër komunat të cilat i qeveris Lëvizja Vetëvendosje: Gjilani, Podujeva, Kamenica dhe Shtimja.

Por në vendim gjenden edhe komuna që nuk qeverisen nga LVV-ja si Istogu, Obiliqi e Klina.

Por nënkryetarja  e Partisë Demokratike të Kosovës (PDK), ka thënë se kjo politikë e Qeverisë është selektive.

“Me mosaprovim projektesh e mbështetje selektive ndëshkohen qytetarët, jo pushtetarët”, ka thënë Çitaku.

“Pa diskriminim deri më tani i kemi vetëm reduktimet e rrymës dhe inflacionin”, ka vazhduar nënkryettarja e PDK-së.