Kandidati për kryetar të Prishtinës nga AAK-ja, Daut Haradinaj ka prezantuar kandidatin e radhës për Asamble në Kryeqytet, veprimtarin e njohur, Fitim Rexha.

Këtë e ka bërë të ditur vet Haradinaj përmes një postimi në llogarinë e tij në Facebook.

“Aktivisti dhe veprimtari i çmuar, Fitim Rexha sot edhe zyrtarisht po i hyn garës për Prishtinën. Fitimi për plot 15 vite shërbeu në organizata të ndryshme ndërkombëtare brenda dhe jashtë vendit”, ka shkruar Haradinaj.

Njoftimi i plotë:

Aktivisti dhe veprimtari i çmuar, Fitim Rexha sot edhe zyrtarisht po i hyn garës për Prishtinën. Fitimi për plot 15 vite shërbeu në organizata të ndryshme ndërkombëtare brenda dhe jashtë vendit.

Përpos angazhimit në organizata të ndryshme ndërkombëtare, shërbeu edhe si Drejtor i Sportit në Prishtinë për tre vite. Ai vjen nga një familje e madhe nga Kodra e Trimave, dhe besoj që do të jetë përfaqësues i denjë në Asamblenë Komunale të Kryeqytetit.

Suksese Fitim e na priftë e mbara!