Delegacioni i lartë i BE-së takohet me Thaçin, Veselin e Haradinajn

Prishtinë | 28 Shk 2018 | 14:28 | Nga Donika Osmani Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Presidenti i Komisionit Evropian, Jean-Claude Juncker, bashkë me Përfaqësuesen e Lartë, Federica Mogherini dhe komisionarin për Zgjerim Johannes Hahn, kanë zhvilluar takim me tre liderët kryesor të vendit, raporton Ekonomia Online.

Presidenti Juncker dhe delegacioni i BE-së janë takuar me presidentin Hashim Thaçi, kryetarin e Kuvendit Kadri Veseli dhe kryeministrin Ramush Haradinaj.

Më pas Junker dhe Thaçi do të kenë një adresim për media. Tre zyrtarët e BE-së do të mbajnë një takim me qytetarë, përfaqësues të mediave, aktivistë të shoqërisë civile, ndërmarrës, studentë, profesorë, rininë e partive politike, artistë, sportistë kosovarë, bursistë të programeve të BE-së, dhe shefat e misioneve të BE-së dhe bashkësisë ndërkombëtare.

Kjo është vizita e parë e Juncker në Kosovë dhe ajo bëhet në ditën kur Kuvendi i Kosovës pritet të votojë për demarkacionin me Malin e Zi.

Juncker, Mogherini dhe Hahn, po zhvillojnë turne në 6 vendet e Ballkanit Perëndimor nga 25 deri në 28 shkurt.

Presidenti Juncker e fillon vizitën e tij me Maqedoninë dhe Shqipërinë. Ai dje ka qëndruar edhe në Serbi

Presidenti Juncker do të përfundojë vizitën e tij në Ballkan me vizitën në Sofje, ku ai do të diskutojë me presidencën bullgare shkëmbimet me klasën politike që ai do ketë në çdo vend të rajonit.

Të ngjashme