Deputeti i VV-së, Visar Korenica është shprehur i pakënaqur me qeverisjen e deritanishme të Kurtit.

Ai ka folur për pagat e ulëta dhe fenomenin e mërgimit të qytetarëve në mënyrë të vazhdueshme drejt Evropës.

Korenica ka thënë se po ta kishte pagën 500 euro, nga Kosova do të ikte edhe ai.

“Unë jam në pozicionin e deputetit, unë nuk kisha nejtë në Kosovë me 500 euro, kisha kërku me dalë jashtë”, ka thënë Korenica në Pressing.

Ai ka deklaruar se nuk e njeh dikënd që kërkon ta lëshojë Kosovën pa arsye të forta.

“Unë nuk e njoh dikënd që kërkon të ikë nga Kosova pa arsye”, ka thënë deputeti.

Korenica ka thënë se qeveria e VV-së nuk duhet të krahasohet me qeveritë paraprake, në mënyrë që të prodhojë rezultate pozitive.