Drejtori i Qendrës për Rajonalizim, në Serbi, Aleksandar Popov, tha se dorëheqja e Ramush Haradinajt mund të zhbllokojë vazhdimin e dialogut Beograd-Prishtinë, por nëse kthehet nga Haga pa aktakuzë, ai mund të forcojë pozicionin e tij dhe të partisë së tij.

Popov ka përmendur edhe mundësinë e “inxhinierisë politike” dhe tha se të premten, kur u publikua informacioni rreth dorëheqjes së Haradinajt, ai ishte në Prishtinë dhe dëgjoi pikëpamjet e njerëzve mbi situatën politike në Kosovë.

“Dhe shumica endojnë se kjo është një vepër e amerikanëve, se Haradinaj bëri pjesën e punës së tij me taksën, duke ushtruar presion mbi Serbinë dhe se ishte koha për disa lojtarë më të butë, sepse ai ishte ende i pandalshëm si përreth taksës ashtu edhe përreth ndarjes, ku Amerika është shumë më e gatshme për të zbatuar një ide të tillë, “tha ai për TV N1.

Sipas tij, ekziston një mundësi, nëse një qeveri e re formohet pa zgjedhje, atëherë ajo do të mund ta sjfuqizonte taksën dhe të vazhdojë negociatat, gjë që do të thotë, të, se në lojë do të ishte përsëri një variant i demarkacionit, të cilin shumë ekspertë e hodhën poshtë, transmeton Klan Kosova.

Kryeministri Ramush Haradinaj dha dorëheqje të premten pas ftesës për t’u intervistuar nga Gjykata Speciale.