Driton Selmanajt ia “hakojnë” Facebookun, paralajmëron hapjen e rastit në polici

Prishtinë | 21 Mar 2022 | 10:18 | Nga Ekonomia Online

Deputeti i LDK-së, Driton Selmanaj, thotë se që disa ditë adresa e tij zyrtare në Facebook ka qenë cak i sulmeve kibernetike.

Ai ka paralajmëruar hapjen e rastit në polici, pasi thekson se ende nuk ka arritë që adresën e Facebook-ut të tij ta rikthejë nën kontroll.

Njoftimi i plotë i tij:

Miq të dashur,

Ju njoftoj që ka disa ditë që adresa ime zyrtare në facebook është cak i sulmeve kibernetike nga persona të papërgjegjshëm. Si rezultat i kësaj nga e hëna e kaluar mua më është pamundësuar qasja në adresen time zyrtare, dhe me shumë gjasë kontrollin e kësaj faqe tashmë e ka dikush tjetër. Përkundër përpjekjeve të mia ende nuk kam arrit ta rikthej nën kontrollin tim. Sot do i nisi procedurat policore.

Prandaj të dashur miq dhe ndjekës në facebook, që nga e hëna e kaluar gjithqka që është postuar në faqen time nuk është e postuar nga unë. Ju kërkoj ndjesë nëse ju kanë shqetësuar.

Shpresoj ta rikthej së shpejti.

Të ngjashme