Edi Rama për minishengenin: Sa të marrin vesh ata të Kosovës, do të kalojnë vite

Prishtinë | 21 Pri 2021 | 09:29 | Nga Ekonomia Online

Kryeministri i Shqipërisë, Edi Rama foli për marrëdhëniet Shqipëri-Kosovë ku përmendi minishengenin ballkanik si një mundësi për të hequr kufijtë midis dy shteteve.

Ai tha për shengenin rajonal se si ide ka qenë e Fatos Nanos.

Megjithatë, Rama thotë se me minishengen do të hiqej kufiri  Shqipëri-Kosovë, por,që shton se deri sa ta kuptojnë këtë liderët në Prishtinë, do të kalojnë shumë vite dhe do të ketë humbur kohë Kosova.

“Shengenin e parë rajonal e ka artikuluar Fatos Nano në një kohë që dukej çmenduri. Unë e kam rifutur sepse u krijuan kushtet. Shengeni rajonal nënkupton heqje kufiri midis Shqipërisë dhe Kosovës, por sa ta marrin vesh ata të Kosovës do të kenë kaluar vite dhe do të ketë humbur kohë Kosova”, tha Rama, ndërsa shtoi se ndër liderët e shteteve pjesëtarë ka qenë pikërisht ai që e ka shtyrë si ide minishengenin.

“Minishengeni është ide që e kam shtyrë unë i pari dhe kam dëshmitarë për këtë. Që kur jemi mbledhur në Berlin herën e parë”, tha Edi Rama.

Të ngjashme