EULEX-i mohon se e ka arrestuar Adem Zogjanin

Prishtinë | 26 Qer 2020 | 18:10 | Nga Ekonomia Online

Misioni i Sundimit të Ligjit në Kosovë, EULEX-i, mohon ta ketë arrestuar Adem Zogjanin, ish-anëtar i Shtabit të Përgjithshëm të Ushtrisë Çlirimtare të Kosovës.

EULEX-i pretendon se janë të pavërteta raportimet se ata kanë ndaluar dhe dërguar në Hagë, Zogjanin.

“EULEX-i nuk e ka arrestuar Zogjanin. Informatat se është arrestuar Zogjani janë të pavërteta. EULEX-i nuk ka njohuri për vendndodhjen e këtij individi”, thuhet në përgjigje e EULEX-it për Kohën.

Dje, i biri i Zogjanit, Liridon Zogjani tha se babait i tij është ftuar nga misioni i EULEX-it të enjten në mëngjes, por këtë postim më vonë e ka fshirë nga Facebook-u.

Të ngjashme