Një njoftim zyrtar i Brukselit që njoftonte për transmetimin e takimeve në mes të Kurtit me Borell dhe Lajcak dhe për takimin trepalësh edhe me Vuçiqin, i është referuar kryeministrit të Republikës së Kosovës, Albin Kurtit, si lider i opozitës, raporton Express.

Një huqje e tillë e Brukselit ka nxitur reagime të shumta. Gazetares austriake Franziska Tschinderle i është dukur e pabesueshme që Kurtit i janë referuar si “lider i opozitës” në vend të kryeministër.

Habisë së gazetares i është bashkuar edhe eurodeputeti austriak që përkrah fuqishëm Kosovën, Lukas Mandl.

 “Ndoshta mund të kërkoj një sqarim për çështjen që gazetarja ka ngritur”, ka shkruar Mandl. duke ia adresuar pyetjen Von Der Leyen-it, Birellit, Varhelyit dhe Lajcakut.