Ministri në detyrë, Kujtim Gashi, përmes një postimi në Facebook ka njoftuar se ka nënshkruar Rregulloren e Punës së Këshillit Drejtues të Institutit Arkeologjik të Kosovës (IAK), ku thotë se do të jetë mbështetja e tij e pakompromis për shtetin dhe institucionet me bazë të rregulluar ligjore, ku ligji do të ketë fjalën kryesore në çdo punë dhe veprim.

Postimi i plotë i Gashit:

Instituti Arkeologjik i Kosovës është ndër institucionet më të rëndësishme të Trashëgimisë Kulturore të Kosovës, dhe institucioni kryesor për shkencën e arkeologjisë në vendin tonë.

Në Mars të këtij viti kam emëruar Këshillin Drejtues të IAK-ut, me njerëz kredibil e profesionist, të cilët pas një pune të shkëlqyer kanë përgatitur Rregulloren e Punës së Këshillit të IAK-ut, kurse janë në përfundim e sipër edhe të statutit të IAK-ut, dokumente të cilat janë bazë e infrastrukturës ligjore të Institutit.

Sot kam nënshkruar Rregulloren e Punës së Këshillit Drejtues të IAK-ut dhe kam theksuar mbështetjen time të pakompromis për shtetin dhe institucionet me bazë të rregulluar ligjore, ku ligji do të ketë fjalën kryesore në çdo punë dhe veprim. KG