Gazetari i WSJ-së i reagon Ischinger-it: Shqetësimi i Grenellit është me të drejtë

Prishtinë | 06 Mar 2021 | 19:11 | Nga Ekonomia Online

Gazetari i së përditshmes amerikane ‘Wall Street Jounal’, Laurence Norman, i ka replikuar ish-diplomati gjerman, Wolfgang Ischinger, duke i thënë se shqetësimi i Richard Grenell është me të drejtë, lidhur me deklarimet e kryetarit të Lëvizjes Vetëvendosje, Albin Kurti, për, siç e quan ai, “referendumin për bashkim me Shqipërinë”.

Richard Grenell me anë të një postimi në Twitter, tha se komuniteti ndërkombëtar nuk e ka bërë gjithë atë investim në Kosovë që të dalë dikush e ta shpërbëjë më pas atë, duke iu referuar Albin Kurtit.

“Er, Grenell ka të drejtë. Kjo (bashkimi kombëtar) do të sjelltë një ton me probleme në regjion, gjë që e bën idenë e “shkëmbimit të territoreve” të duket si diçka e vogël, e cila është arsyeja pse nuk ka qenë asnjëherë politikë e BE’së as SHBA’së që ta mbështesë atë. Mua më duket si një shqetësim legjitim”, deklaroi Norman i WSJ’së.

Richard Grenell, ditë më parë,  me anë të një postimi në Twitter, deklaroi se “komuniteti ndërkombëtar nuk e ka bërë gjithë atë investim në Kosovë që të dalë dikush e ta shpërbëjë më pas atë”, duke e implikuar Kurtin.

Ndërkaq, si kundërshti ndaj kësaj, Ischinger, përmes një reagimi në Twitter ndaj Grenell’it, ka thënë se mandati i tij ka skaduar dhe e ka këshilluar që t’ia lë Kosovën njerëzve të saj.

Polemika filloi kur ish-emisari special i SHBA’së për dialogun Kosovë-Serbi shpërndau një artikull të EuroNews ku kryetari i VV’së thotë se do të votonte pro bashkimit të Kosovës me Shqipërinë.

“Kjo duhet të dënohet nga Joe Biden dhe administrata e tij. Pse Albin Kurti po diskuton për zhbërjen e shtetit të tij”, shkroi njëherësh edhe ish-ambasadori amerikan në Gjermani.

Të ngjashme