Zëdhënësi i PDK-së, Betim Gjoshi ka reaguar pasi kryeministri Albin Kurti deklaroi se nuk mund të kërkojë garanci nga shtetet e tjera për lirimin me kusht për të akuzuarit në Hagë, duke thënë se shteti nuk po gjykohet nga Gjykata Speciale.
Gjoshi e kundërshtoi këtë deklaratë duke thënë se pikërisht shteti i Kosovës po gjykohet në Hagë.
Ai tha se përmes kësaj deklarate Kurti po ik obligimit obligimi shtetëror për të mbrojtur luftën e popullit shqiptar.
Postimi i plotë:
Jo kryeministër, ti je gabim!
Në Hagë po gjykohet pikërisht shteti i Kosovës.
Në Hagë po gjykohet lufta e drejtë për lirinë e Kosovës.
Në Hagë po gjykohet e drejta e shqiptarëve të Kosovës për shtet të pavarur.
Në Hagë po gjykohet edhe ndihma e botës demokratike për të ndaluar Serbinë gjenocidale.
Përmes kësaj deklarate, ti kryeministër po ik nga obligimi shtetëror për të mbrojtur luftën e popullit tënd për liri dhe pavarësi.
Ti po ik nga mbrojtja e themeluesve të shtetit të Kosovës sepse edhe ti e din se pa UÇK-në askush prej nesh nuk do të jetonte sot në Republikën e Kosovës, por me shumë gjasë do të ishte akoma refugjatë në ndonjë shtet të rajonit ose më larg.
Mos e luaj qëllimisht të paditurin.
Braktise betejën që ke nisur me Vjosa Osmanin & Co kundër shtetit të Kosovës dhe kundër UÇK-së.