Gjykata e Apelit e Kosovës, gjatë muajit Prill 2022, ka treguar një efikasitet jashtëzakonisht të lartë në zgjidhjen e lëndëve në lëmin kontestimore. Kjo është bërë e ditur me anë të një komunikate për medie.
“Gjatë këtij muaji, Gjykata e Apelit ka pranuar gjithsejtë pesëqind e nëntëdhjetë (590) lëndë, ndërsa ka zgjidhur 1054 lëndë, pra efikasiteti i kësaj gjykate për muajin Prill 2022 është 178.6 %”, thuhet në komunikatë.