Grenell godet Vuçiqin: Refuzon të mohojë se do ta zhvendosë ambasadën në Jerusalem

Prishtinë | 11 Sht 2020 | 08:02 | Nga Ekonomia Online

Gjatë ditëve të fundit ka pasur disa raportime se presidenti i Serbisë, Aleksandar Vuçiq mund të shkelë marrëveshjen e arritur në SHBA duke refuzuar zhvendosjen e ambasadës në Jerusalem.

Por se një gjë e tillë nuk do të ndodhë, e ka konfirmuar emisari Richard Grenell.

Grenell ka bërë “retweet” një shkrim në Twitter, ku thuhet se Vucic indirekt e ka konfirmuar marrëveshjen që e nënshkroi.

“Pavarësisht thashethemeve, Vuçiqi i Serbisë ka refuzuar të mohojë se shteti i tij do ta zhvendosë ambasadën në Jerusalem. Në fakt, ai indirekt e konfirmoi se çfarë ka nënshkruar në Washington”, thuhet në këtë shkrim.

Vlen të theksohet se kjo gjë ka qenë pjesë e marrëveshjes së arritur më 4 shtator në SHBA, nën ndërmjetësimin e presidentit amerikan.

Donald Trump e ka siguruar Kosovën në anën tjetër, se në bazë të marrëveshjes, Izraeli e njeh si shtet të pavarur.

Ndër të tjera marrëveshja e arritur përmban më shumë çështje ekonomike, ku përfshihen edhe invistime miliona eurosh në vend.

Fjalë Kryesore:

Të ngjashme