Kryeministri i vendit, Ramush Haradinaj, ka bërë homazhe te Pllaka Memoriale e ushtarëve të KFOR-it, në sheshin “Nënë Terezë”, në Prishtinë, të rënë gjatë shërbimit në Kosovë, raporton Ekonomia Online.
Në shoqërim të Haradinajt për homazhe ishin edhe zv. kryeministri Enver Hoxhaj dhe ministri i FSK-së, Rrustem Mustafa, komandanti i FSK-së, Rrahman Rama dhe një pjesë e kabinetit qeveritar të kryeministrit Haradinaj.
Aty Filharmonia e Kosovës ka nderuar ushtarët me interpretimin e himnit të Kosovës pranë Pllakës Memoriale në sheshin “Nënë Terezë”, në nderim të gjithë atyre që dhanë jetën në shërbim në Kosovë.