Lideri i Aleancës për Ardhmërinë e Kosovës Ramush Haradinaj së bashku me zyrtarë të tjerë të AAK-së ka bërë homazhe te varri i liderit historik, Ibrahim Rugova.
Ai ka thënë se në nisje të obligimeve që kanë për vendin sot e kanë filluar me nderime të figurave të ndritura, raporton Ekonomia Online.
“Jemi te varri i presidentit Ibrahim Rugova dhe do të vazhdojmë me këtë nderim edhe te vendet tona të shenjta. Ne si popull i vjetër traditën e nderimit e kemi gjithë, dhe kjo sot ndërlidhet me veprën e Ibrahim Rugovës”, ka thënë ai.
Këto homazhe ai po i bën vetëm dy ditë pas kthimit të tij nga Franca ku ka qëndruar i ndalur për rreth katër muaj.