Haradinaj: Marrëveshja me LDK-në e kryer, s’ka asnjë detaj tjetër

Pejë | 05 Maj 2020 | 13:28 | Nga Hasan Hoti Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryetari i AAK-së, Ramush Haradinaj, ka thënë se marrëveshja me LDK-në për Qeverinë e re ka përfunduar dhe se nuk ka mbetur që të diskutohet asnjë detaj tjetër, raporton Ekonomia Online.

“Dihet që deri tash janë arritur marrëveshjet dhe ka një dakordim për programin qeverisës, pra nuk ka ndonjë aspekt që ka mbetur i hapur në atë marrëveshje”, tha Haradinaj.

Haradinaj teksa ka folur për rastin tragjik ku vdiq 26 vjeçari nga Gjilani, tha se kjo është tragjike, duke shprehur ngushëllime familjes së viktimës.

“Është e dhimbshme, i shprehi ngushëllime familjes dhe gjithë atyre që kanë ndier dhimbje”, tha Haradinaj.

Gjatë ditës, Haradinaj ka bërë homazhe te Obelisku i Dëshmorëve në Pejë. Nga aty, Haradinaj ka thënë se e ka për nderë të qëndrojë pranë atyre që dhanë jetën për lirinë dhe pavarësinë e vendit.

“Unë e kam për nderë të qëndroj sot në Pejë ta nderoj memorialin dedikuar memorialit të dëshmorëve e heronjve të kombit”.

“Lavdi e përjetshme dhe respekt për sakrificën e madhe, për angazhimin e madh dhe për veprën e çmuar për liri”, tha Haradinaj.

Image may contain: one or more people, people on stage, people standing, sky, shoes, crowd, cloud, hat and outdoor
Image may contain: 3 people, outdoor
Lexo më shumë:

Të ngjashme