Haradinaj në Natën e Zjarreve: Ta mbajmë të ndezur zjarrin për liri e bashkim kombëtar!

Kryetari i Aleancës për Ardhmërinë e Kosovës (AAK), Ramush Haradinaj ishte sonte prezent në Natën e Zjarreve, ndezjen e flakadanëve që simbolizon përfundimin e shënimit të ‘Epopesë së UҪK-së’.

Atje kreu i AAK-së mbajti fjalim para të pranishmëve.

‘Kam nderin t’iu drejtohem si bashkëluftëtarë dikur, të shprehim respektin për sakrificën sublime, për heroizmin e familjes Jashari, për simbolin tonë, qëndresës së lirisë, e sot në Natën e Zjarreve të premtojmë që do ta mbajmë ndezur zjarrin për liri e bashkim kombëtarë. Lavdi dëshmorëve’, tha Haradinaj.