Haradinaj për Dimal Bashën: Ua zbulova edhe një të meçëm në VV, përpos Miss Gjyshes

Prishtinë | 18 Nën 2021 | 15:35 | Nga Ekonomia Online

Deputeti i AAK-së Ramush Haradinaj dhe Deputeti i VV-së, Dimal Basha kanë replikuar me njëri-tjetrin për projektin e gazit. Basha i ka thënë Haradinajt se nuk kupton në gaz e as në ekonomi, raporton Gazeta Express.

“Z.Haradinaj, unë përnime s’besoj që ti merr vesh në gaz e as në ekonomi, pse po e merr guximin me dalë me bë pyetje sepse s’po i kupton as përgjigjet”, tha Basha.

Në fjalën e tij, Haradinaj tha se u zbulua edhe dikush tjetër i mençur në VV përpos kandidatit që fliste për Miss Gjyshen.

“Se kom ditë që keni qesi të meqëm në VV, ua zbulova edhe qeto, pos atij miss gjyshja e akademik Bahtirit e paski edhe këto, edhe ky koka nifar mosvet, s’kom çka me i kthy këtij përgjigje, niveli i tij s’meriton kurgjo”, tha Haradinaj.

Deputeti Basha e ka kërkuar edhe njëherë fjalën, duke i thënë Haradinajt se së pari është futur në politikë e pastaj ka kryer fakultetin.

“Unë niher e kam kry fakultetin tani kam hy në politikë, ti s’pari ke hy në politikë tani e ke marrë vesh që duhet me i kry shkollat”, tha Basha.

Të ngjashme