Kryeministri në dorëheqje Ramush Haradinaj mas mbledhjes së Qeverisë ka komentuar takimiet e zëvendësndihmës Sekretarit të Shtetit njëherësh emisar i Amerikës për Ballkanin Perëndimor Matthew Palmer, raporton Ekonomia Online.
Ai tha se me Amerikën komunikimi është i vazhdueshëm, prandaj sipas tij, nuk ka ndryshim qëndrimesh.
“E falënderoj Palmerin për takimet. Është komunikim i vazhdueshëm. Nuk kam bërë ndonjë postim sr është komunikim i vazhdueshëm”.
“Nuk ka ndryshime në komunikim, është ajo dinamika e komunikimit të ndërsjellët, bilateral. Në detaje nuk e kam vlerësuar”.
I pyetur për mundësinë e heqjes së taksë nga VV-ja dhe LDK-ja dhe atë ta zëvendësojnë me reciprocitet, Haradinaj tha se taksa duhet të mbetet dhe kushdo që e heq atë para njohjes së Kosovës nga Serbia bën gabim.
“Analiza është prezente në vazhdimësi, një vakuum prej produkteve serbe e mbulon prodhimi vendor. Politikisht nuk është vetëm taksa, por qëndrimet që i kemi mbajt e kanë konsoliduar Kosovën dhe e kanë bërë të pavarur nga tavolina e zonjës Mogherini”.
“E pëlqej idenë e reciprocitetit, por nuk duhet të ketë ndikim në taksë, taksa të mbetet, nuk e kuptoj pse duhet me heq taksën. Është gabim me heq taksën, pa e marrë njohjen, kushdo qe shkon asaj rruge, gabon shumë”.
LEXONI EDHE: