Haradinaj: Qeveria do të jetë e përkushtuar për statusin e të plagosurve dhe invalidëve të rezistencës së vitit 1998

Prishtinë | 12 Kor 2019 | 16:47 | Nga Ekonomia Online

Kryeministri i Kosovës, Ramush Haradinaj, është takuar me deputetët e Komisionit për të Drejtat e Njeriut të Kuvendit të Kosovës me të cilët ka diskutuar për statusin e të plagosurve dhe invalidëve në protesta gjatë lëvizjës së rezistencës para luftës së vitit 1998.

Haradinaj në një postim në llogarinë e tij në Facebook ka shkruar se Qeveria dhe Kuvendi do të jenë të përkushtuara në rregullimin e statusit të kësaj kategorie.

“Takim me deputetët, anëtarë të Komisionit për të Drejtat e Njeriut të Kuvendit të Kosovës, me të cilët diskutuam për statusin e të plagosurve dhe invalidëve në protesta gjatë lëvizjes së rezistencës së para luftës së vitit 1998.

Qeveria e Republikës së Kosovës dhe Kuvendi, do të jenë të përkushtuara në rregullimin e statusit të kësaj kategorie të shoqërisë sonë”, ka shkruar ai.

Të ngjashme