Haradinaj – Stublla merr mbështetjen e homologut austriak për procesin e liberalizimit të vizave

Prishtinë | 19 Qer 2020 | 16:28 | Nga Ekonomia Online

Ministrja e Punëve të Jashtme dhe Diasporës, znj.Meliza Haradinaj – Stublla, të premten zhvilloi një bisedë telefonike me homologun austriak, z. Alexander Schallenberg.

                                                                                       
Ministrja Haradinaj – Stublla, me homologun e saj Schallenberg, diskutoi për vizionin e partneritetit afatgjatë bilateral midis Kosovës dhe Austrisë, proceset integruese dhe të ardhmen evropiane të Republikës së Kosovës.


Kryediplomatja e Kosovës shprehu falënderimin për përkrahjen e madhe austriake përgjatë viteve për Kosovën, për mbështetjen e treguar ndaj diasporës sonë në Austri dhe për mundësinë e dhënë për shkollim të mijëra studentëve nga Kosova.


Si një vend që i ka qëndruar afër Kosovës, në shumë procese të rëndësishme për vendin, nga Ministri Schallenberg ndër tjera, Ministrja Haradinaj – Stublla mori premtimin për përkrahje të shtuar të Austrisë edhe për procesin e liberalizimit të vizave, tani që Kosova ka përmbushur të gjitha kriteret dhe qytetarët e saj presin sa më parë të gëzojnë lëvizjen e lirë në zonën Schengen.


Të ngjashme