Kryeministri i Kosovës, Ramush Haradinaj, ka pritur në takim ministrin e Mbrojtjes së Turqisë, Hulusi Akar.
Mediet janë lejuar të marrin vetëm pamje gjatë takimit, raporton Ekonomia Online.
Pas takimit Haradinaj ka thënë se me ministrin e Mbrojtjes së Turqisë, Hulusi Akar, bashkëbiseduan për marrëdhëniet bilaterale ndërmjet dy vendeve, si dhe për mundësitë e thellimit të bashkëpunimit në të gjitha fushat e interesit të përbashkët, përfshirë shkëmbimet e përvojave dhe doktrinave ushtarake, në suaza të parimeve dhe standardeve të NATO-s.
“Duke e uruar ministrin Akar me rastin e 70-vjetorit të NATO-s, e falënderova atë për kontributin e personelit ushtarak e civil turk brenda KFOR-it për paqe dhe siguri në Kosovë”, ka shkruar ai.