Kryeministri i Kosovës, Ramush Haradinaj, ka njoftuar se sot është takuar me kryeministrin e Maqedonisë së Veriut, Zoran Zaev.
Në një postim në Facebook, Haradinaj ka thënë se ka përgëzuar homologun maqedonas për përmbylljen e Marrëveshjes së Prespës.
Në fund Haradinaj ka thënë e Kosova është e përkushtuar për ndërtimin e një rajoni stabil.
“Takova sot homologun tim të Republikës së Maqedonisë së Veriut, Zoran Zaev, të cilin e përgëzova për përmbylljen me sukses të plotë të Marrëveshjes së Prespës, duke i garantuar popullit dhe shtetit fqinj perspektivë të qartë euro-atlantike. Kosova qëndron e përkushtuar në ndërtimin e një rajoni stabil dhe në këtë drejtim marrëdhëniet me Shkupin zyrtar janë të shkëlqyera”, ka shkruar Haradinaj.