Haradinaj thotë se liberalizimi i vizave pritet të ndodhë për Krishtlindje

Prishtinë | 19 Sht 2019 | 13:41 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryeministri në detyrë, Ramush Haradinaj, edhe njëherë ka dhënë premtim se liberalizimi i vizave mund të ndodhë në dhjetor të këtij viti, raporton EkonomiaOnline.

Ai tha se Kosova i ka kryer detyrat e saja, dhe se është premtim i BE-së, që ky lajm të vijë për Krishtlindje.

“Qeveria ime ka pasur shumë procese të rëndësishme. Para 1 viti Parlamenti i BE ka dhënë disa kushte që Kosova nga ana e saj i ka kryer me kohë. Holanda dhe Franca kanë skepticizëm. Pra lajmi i mirë është opsion i mirë që liberalizimi i vizave të ndodh për Krishtlindje”, tha ai.

E për dialog, Haradinaj tha se procesi është larguar nga dora e presidentit.

“Nuk ja kam lënë në dorë dialogun Presidentit por ja kam heq nga dora. E kemi heq nga dialogu me dyer të mbyllura me rreziqe për ndarje të Kosovës. Pra e kemi kthyer në një dialog.

Ai që zgjidhet në qeveri duhet të ruajë marrëdhëniet mes palëve dhe të gjejë koncensus në parlament, sepse jemi shtet parlamentar. Në tetor mbahet tash Serbia thotë hiqe taksën. Askush nuk na pyet si erdhi taksa, pra BE-ja le t’i thotë që votoje Kosovën në Interpool atëherë vijnë flasin me neve”, tha ai.

Kryeministri në largim, Ramush Haradinaj ka folur edhe për të drejtat e komunitetit LGBT. Ai ka thënë se për çdo komunitet përfshirë edhe LGBT, ka respekt.

“Unë mendoj se çdo individ duhet t’i gëzojë të drejtat e veta. Pra nuk duhet që tjerët t’i gjykojnë ata se çfarë te zgjedhin. Ju e dini se ne jemi parti e qendrës dhe jemi pro familjes por jo kundër këtyre komuniteteve. Pra i respektoj”, ka thënë Haradinaj.

Këto komente Haradinaj i bëri në debatin “Fol Hapur” të organizuar nga Lëvizja Fol.

Fotografia e Lëvizja FOL
Fotografia e Lëvizja FOL
Lexo më shumë:

Të ngjashme